Kollokatsiyalarni oʻrganing va mashq qiling

Kollokatsiya nima?

Kollokatsiya — ingliz tilida odatda birga ishlatiladigan so‘zlar. Masalan, inglizlar make a mistake deydi, do a mistake demaydi. Take a photo deydi, make a photo demaydi. Heavy rain deydi, strong rain demaydi. Ikkala variant ham grammatik jihatdan to‘g‘riga o‘xshaydi, lekin faqat bittasi tabiiy eshitiladi.

Shuning uchun so‘zlarni alohida emas, juftligi bilan yodlang. Faqat homework emas, do homework. Faqat advice emas, give advice, ask for advice.

Nega bu muhim?

Grammatikani yaxshi bilsangiz ham, so‘zlarni noto‘g‘ri juftlasangiz, nutqingiz g‘alati eshitiladi. Kollokatsiyalarni bilsangiz, tez va tabiiy gapirasiz, yozganingiz ham ravon bo‘ladi.

Bu saytda nimani o‘rganasiz?

Har bir mavzu darsligingizdagi bir unitga asoslangan. Kollokatsiyalar faqat shu unit matnlari, dialoglari va mashqlaridan olingan. Har bir mavzuda quyidagilar bor:

• Lug‘at — kollokatsiyalar, ularning o‘zbekcha tarjimasi va misollar;
• Matn — kollokatsiyalar ichida ishlatilgan qisqa hikoya;
• Mashqlar — osondan qiyinga qarab:
  • flashcards;
  • moslashtirish;
  • test;
  • Korpus detektor;
  • xatoni tuzatish;
  • yozib ko‘rish;
  • 3 daqiqalik gapirish;
• Video — mavzuni o‘zbek tilida tushuntiruvchi video dars.

Har bir mavzuni bir martada, mustaqil bajarasiz.

Korpus detektor nima?

Korpus — millionlab haqiqiy inglizcha gaplar to‘plami. Korpusga qarab, qaysi so‘z qaysi so‘z bilan birga kelishini ko‘rish mumkin. Korpus detektor mashqida siz detektiv bo‘lasiz: gaplarga qarab, yashirilgan so‘zni topasiz.

Ehtiyot bo‘ling: so‘zma-so‘z tarjima qilmang

Qanday o‘rganish kerak?

1. Yangi so‘zni doim sherigi bilan yozib oling: advice emas, give advice.
2. Matn o‘qiganda birga kelgan so‘zlarga e’tibor bering.
3. Kollokatsiyalarni o‘z gaplaringizda ishlating, ovoz chiqarib gapiring.
4. Ishonchingiz komil bo‘lmasa, korpusda tekshiring.